TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Aeroplanët luftarakë të ushtrisë turke kanë kryer sulme në dy fshatra të banuara me kurdë në veri të Siri, ka bërë të ditur zëdhënësi i forcave demokratike siriane (SDF).
Turqia njoftoi të martën se planifikon të vazhdojë aksionet ushtarake në veri të Sirisë kundër militantëve të Partisë Punëtore të Kurdistanit (PKK) në Irak, pas vënies së bombës gjatë fundjavës së kaluar në Stamboll.
Qeveria turke akuzoi militantët kurdë për shpërthimin e bombës në sheshin Taksim të Stambollit, ku si pasojë humbën jetën gjashtë persona dhe u lënduan mbi 80 tjerë.
Ministria turke e Mbrojtjes, ka njoftuar përmes një postimi në Twitter të premten se “po kërkon përgjegjësit për sulmin”, përmes një fotografie të aeroplanëve.
#Turkey conducts its military operation "Pence Kilic".
— NEXTA (@nexta_tv) November 20, 2022
Overnight airstrikes were carried out in northeastern #Syria and #Iraqi #Kurdistan. The strikes are directed against #Kurdish rebels whom the #Turkish authorities accuse of terrorism. pic.twitter.com/dx3DXU0Ue3
Në anën tjetër, asnjë nga këto grupe nuk e ka marrë përgjegjësinë për shpërthimin e bombës në sheshin e Stambollit, kurse PKK dhe SDF kanë mohuar pretendimet se janë të përfshirë në këtë sulm që autoritetet turke e cilësuan si sulm terrorist.
Turqia deri më tani ka kryer tri sulme në veri të Sirisë kundër milicisë së kurdëve sirianë (YPG), për të cilët thuhet se është grupimi vëlla i PKK-së.
E presidenti turk Recep Tayyip Erdogan, ka thënë se Turqia mund të kryej edhe një operacion ushtarak kundër YPG-së.
