TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri sllovak Robert Fico është qëlluar me armë zjarri, sipas raporteve të mediave lokale.
Agjencia e lajmeve TASR raportoi se Fico u qëllua përpara një ndërtese në qytetin qendror të Sllovakisë Handlova, ku ishte mbajtur një mbledhje e qeverisë.
Sipas gazetarëve, në vendngjarje janë dëgjuar disa të shtëna. Ai është dërguar në spital dhe sulmuesi i tij i dyshuar është ndaluar nga policia. Handlova është rreth 180 km (112 milje) në verilindje të kryeqytetit Bratislav.
Ai është qëlluar me 4 plumba, dhe është plagosur në bark sipas informacioneve, por ende nuk dihet se si është gjendja e tij. Në lidhje me ngjarjen e rëndë reagoi dhe presidentja e Sllovakisë tha se ishte e tronditur nga sulmi “brutal dhe i pamëshirshëm” ndaj kryeministrit dhe i uroi atij shërim të shpejtë.
