BOTA, 23 Shkurt 2024, 18:47

“Dita pas Hamasit”, Netanyahu zbulon planin e tij për Gazën pas përfundimit të luftës

“Dita pas Hamasit”, Netanyahu zbulon planin e tij për

Kryeministri izraelit Benjamin Netanyahu ka zbuluar zyrtarisht planin e tij për të ardhmen e Gazës pas përfundimit të konfliktit me Hamasin, duke vënë një theks të fortë në “deradikalizimin” e enklavës. Dokumenti një-faqësh i titulluar “Dita pas Hamasit” iu dorëzua qeverisë izraelite për diskutim të enjten, duke përcaktuar veprimet e propozuara për afatin e menjëhershëm dhe afatgjatë.

Plani përsërit qëndrimin e Netanyahut se Forcat e Mbrojtjes të Izraelit do të “vazhdojnë luftën deri në shkatërrimin e plotë të aftësive ushtarake dhe infrastrukturës së Hamasit” dhe derisa pengjet izraelite të kthehen dhe të vendoset një arkitekturë e fortë sigurie.

Në planin afatmesëm, kryeministri kërkon që Izraeli “të ruajë lirinë e veprimtarisë” në enklavë për qëllime sigurie, pa asnjë kufizim. “Do të ketë një çmilitarizim të plotë në Rripin e Gazës të çdo kapaciteti ushtarak, përtej asaj që kërkohet për nevojat e ruajtjes së rendit publik”, thuhet në plan.

Netanyahu sugjeroi gjithashtu mbajtjen e një “izolimi jugor” të kufirit Gaza-Egjipt për të parandaluar çdo kontrabandë në rajon, duke vënë në dukje se perimetri duhet të ruhet në bashkëpunim me Kajron dhe me ndihmën e SHBA.