TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dhjetëra gazetarë janë larguar nga Pentagoni në shenjë proteste ndaj kufizimeve të reja të vendosura nga administrata e Donald Trump, të cilat ata i konsiderojnë një kërcënim serioz për lirinë e shtypit, raporton Euronews.
Gazetarët dorëzuan kartat e identifikimit dhe u larguan nga godina pas njoftimit të rregullave të reja, të miratuara nga Sekretari i Mbrojtjes, Pete Hegseth. Sipas tyre, këto masa kufizojnë aksesin dhe raportimin e pavarur, duke i bërë ata të rrezikojnë dëbimin nëse publikojnë informacione të paautorizuara apo të klasifikuara.
“Është një moment i trishtueshëm, por jam krenare për trupën e shtypit që qëndroi e bashkuar”, deklaroi Nancy Youssef, gazetare e The Atlantic dhe reportere veterane në Pentagon që prej vitit 2007.
Administrata Trump, nga ana e saj, e ka justifikuar vendimin si një përpjekje për të “rregulluar një shtyp shumë shkatërrues”, duke theksuar se rregullat e reja janë “të shëndosha dhe të nevojshme”.
Rregullorja e re vjen disa muaj pas një skandali të brendshëm sigurie, kur u zbulua se Hegseth kishte ndarë përmes telefonit të tij privat plane të ndjeshme ushtarake me gruan, vëllain dhe avokatin personal.
Megjithatë, mbetet e paqartë se çfarë ndikimi praktik do të kenë kufizimet e reja në raportimin e përditshëm, ndërsa organizatat mediatike janë zotuar se do të vazhdojnë mbulimin e plotë të çështjeve ushtarake.
Presidenti Trump, duke folur nga Shtëpia e Bardhë, mbështeti haptazi vendimin e sekretarit të tij të mbrojtjes.
“Mendoj se ai e sheh shtypin si shumë shkatërrues për paqen botërore,” tha Trump, duke shtuar se “shtypi është tepër i pandershëm.”
Para hyrjes në fuqi të politikës së re, Hegseth — ish-prezantues në Fox News Channel — kishte kufizuar ndjeshëm aksesin e gazetarëve në Pentagon, kishte mbajtur vetëm dy konferenca zyrtare për shtyp dhe kishte nisur hetime për rrjedhje informacioni në media.
