TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Izraeli ka vazhduar bombardimet në zonën e Spitalit Al-Quds, një strukturë kryesore në Gazën veriore.
Ushtria izraelite lëshoi një urdhër evakuimi për spitalin të dielën, por stafi ka thënë se zhvendosja e qindra pacientëve që po trajtohen aktualisht atje nuk do të ishte e mundur.
Një mjek tha për BBC se “bombardimet e rënda kanë filluar në afërsi të spitalit Al-Quds”.
“Të gjithë, të gjithë, veçanërisht fëmijët, janë të tmerruar,” tha ai. “Ata bombardojnë kullat [rezidenciale] prapa spitalit.”
Në një shënim zanor një banor i Gazës, i cili nuk u identifikua, u shpteh: “Kanë bombarduar dy kulla banimi dhe tani po bombardojnë të tretën. Zoti na ruajt”.
Ndërsa fëmijët po përballen me një situatë “katastrofike” në Gaza, ku prindërit nuk kanë zgjidhje tjetër veçse t’u japin ujë të kripur, sipas agjencisë së OKB-së për ndihmë për fëmijë, Unicef.
Toby Fricker, një zëdhënës, për BBC News, bëri thirrje për një “armëpushim të menjëhershëm humanitar” dhe rritje të ndihmave në Gaza “në baza të qëndrueshme”.
“Ajo që ne po shohim tani në baza të përditshme është se fëmijët po vriten, fëmijët po plagosen, sakatohen,” tha ai. “Dhe kjo është gjëja numër një – të mbroni jetën e fëmijëve dhe t’i mbani fëmijët gjallë.”
Gjatë takimit, të kërkuar nga Emiratet e Bashkuara Arabe, Këshilli i Sigurimit do të informohet nga UNRWA, agjencia e OKB-së që ofron ndihmë për palestinezët.
Të shtunën, Sekretari i Përgjithshëm i OKB-së, António Guterres shprehu keqardhjen që Izraeli kishte intensifikuar operacionet ushtarake në vend që të lejonte një pauzë të nevojshme humanitare të mbështetur nga komuniteti ndërkombëtar.
