TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri izraelit Benjamin Netanyahu kërkoi falje të dielën dhe fshiu një postim në të cilin kërkonte të fajësonte zyrtarët e sigurisë për sulmin e papritur të 7 tetorit nga Hamasi.
“Kam gabuar. Gjërat që thashë pas konferencës për shtyp nuk duhet të ishin thënë dhe unë kërkoj falje për këtë”, ka thënë Netanyahu në X.
Ai u dha “mbështetje të plotë” krerëve të shërbimeve të sigurisë dhe atyre që luftojnë në vijën e parë të frontit. Së bashku do të fitojmë”, ka shkruar ai.
טעיתי. דברים שאמרתי בעקבות מסיבת העיתונאים לא היו צריכים להיאמר ואני מתנצל על כך. אני נותן גיבוי מלא לכל ראשי זרועות הביטחון. אני מחזק את הרמטכ״ל ואת מפקדי וחיילי צה״ל שנמצאים בחזית ונלחמים על הבית. יחד ננצח.
— Benjamin Netanyahu - בנימין נתניהו (@netanyahu) October 29, 2023
Bëhet fjalë për një postim të shtunën vonë, përmes të cilit kryeministri pretendoi se nuk ishte paralajmëruar nga shefat e sigurisë për një sulm të afërt të Hamasit.
“… Në asnjë rrethanë dhe në asnjë fazë nuk u paralajmërua kryeministri Netanyahu për qëllimet e luftës të Hamasit”, lexohej në postimin origjinal në Twitter, i postuar pak pas orës 1 të mëngjesit me orën lokale.
“Përkundrazi, të gjithë zyrtarët e mbrojtjes, duke përfshirë krerët e Drejtorisë së Inteligjencës dhe Shin Bet, vlerësuan se Hamasi ishte i frenuar. Ky ishte vlerësimi i dorëzuar herë pas here kryeministrit dhe kabinetit nga të gjitha subjektet e mbrojtjes dhe komunitetet e inteligjencës deri në shpërthimin e luftës”, përfundonte deklarata e fshirë.
Komentet e tij, të cilat erdhën pas një konference të përbashkët për shtyp me ministrin e Mbrojtjes, Yoav Gallant dhe ministrin Benny Gantz, nxitën kritika të ashpra.
Udhëheqësi i opozitës dhe ish-kryeministri Yair Lapid tha se “Netanyahu ka kaluar një vijë të kuqe” dhe se komentet e tij do të dobësonin ushtrinë.
Kreu i partisë së Unitetit Kombëtar Benny Gantz, i cili iu bashkua qeverisë së unitetit të Netanyahut pas sulmit të Hamasit, kritikoi gjithashtu deklaratën.
“Kur jemi në luftë, udhëheqja duhet të tregojë përgjegjësi, të vendosë të bëjë gjërat e duhura… Çdo veprim apo deklaratë tjetër dëmton aftësinë e popullit për të qenë bashkë dhe forcën e tyre. Kryeministri duhet të tërheqë deklaratën e tij”, tha ai.
