TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Andrew Tate është ankuar për kushtet në të cilat ndodhet në burg. Influencuesi ka bërë të ditur se është i rrethuar nga "buburrecat dhe morrat" ndërsa mbahet në paraburgim, raporton 'The Sun'.
Ish-kampioni i kikboksit, i cili po përballet me akuza për trafik seksual dhe abuzim, ka zbuluar si i ka kaluar 27 ditët e para të paraburgimit. 36-vjeçari u ka dërguar ndjekësve të faqes së tij një rrëfim me titull: “Emaili im i parë nga burgu”.
Në poezi thuhej: “Po përpiqen të më thyejnë. Hy brenda një qelie pa dritë. Buburrecat, morrat dhe çimkat janë miqtë e mi të vetëm gjatë natës. Kur rojet më sjellin në dhe nga salla e gjyqit, unë qëndroj absolutisht i respektueshëm. Ata përpiqen të derdhin urrejtje në zemrën time."
Emri i burgut ku mbahet Tate nuk është bërë i ditur, por raportet e mëparshme kanë nxjerrë në pah kushtet e vështira të jetesës për të burgosurit në vend.
Sipas ligjeve rumune, të burgosurve u lejohet vetëm një orë në ditë "zbavitje në natyrë", të cilën ata mund ta përdorin për të ushtruar ose lexuar. Raporti dënues zbuloi gjithashtu se shumica e të burgosurve qëndrojnë të mbyllur për 23 orë në ditë në qelitë e tyre.