TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Anëtari i Gardës Kombëtare Ajrore në Massachusetts, i cili u arrestua të enjten në lidhje me rrjedhjen e disa dokumenteve sekrete të Pentagonit, ishte i ulur në një verandë duke lexuar një libër para se agjentët federalë ta arrestonin, sipas pamjeve nga kanali i lajmeve WCVB-TV.
Jack Texeira, 21-vjeç, u arrestua në lidhje me marrjen dhe publikimin e informacioneve të klasifikuara amerikane që tregonin për luftën në Ukrainë dhe detaje të tjera për SHBA-në, transmeton Telegrafi.
Texeira, besohet të jetë udhëheqësi i një grupi privat në platformën e mesazheve për ‘gamera’ Discord i quajtur “Thug Shaker Central”.
Washington Post gjeti se një burrë të cilit i referoheshin anëtarët e tjerë të grupit si “OG” – me gjasë 21-vjeçarit Texeira – nisi të ndante dokumente sekrete në këtë grup në fund të vitit 2022. Mediumi e përshkroi këtë burrë si adhurues të armëve.
Kur agjentët federalë arritën më në fund ta arrestonin Teixeira-n, ai me sa duket ishte ulur në verandë i qetë duke lexuar një libër.
Mediat amerikane gjithashtu kanë publikuar video të momentit të arrestimit të tij.
BREAKING: Sky 5 was overhead as federal agents swarmed a Mass. home and detained a man amid the probe into leaked classified documents about the Ukraine war. https://t.co/5FCrFgz3QZ pic.twitter.com/cwdp4yWJLK
— WCVB-TV Boston (@WCVB) April 13, 2023
Jack Teixeira raportohet të jetë udhëheqësi i një grupi bisedash të video-lojërave në internet ku u publikuan dokumentet sekrete të qeverisë amerikane.
Sipas të dhënave, Teixeira është “Airman 1st Class” me bazë në Gardën Kombëtare Ajrore Otis, e cila ndodhet në Western Cape Cod.
Ai është në Gardën Kombëtare Ajrore që nga shtatori i vitit 2019. Titulli i tij zyrtar është “Cyber Transport Systems Journeyman”.
Faqja zyrtare e internetit e Forcave Ajrore vë në dukje se personeli i caktuar në punët e Sistemeve të Transportit Kibernetik është përgjegjës për operimin e rrjetit të madh të komunikimit global të Forcave Ajrore, i cili lidh njësitë që operojnë si në SHBA ashtu edhe jashtë saj.
Ndërkohë, zyrtarët e mbrojtjes kanë thënë se detyra të tilla mund të përfshijnë riparimin e qendrave të rrjetit në SHBA ose sistemet e komunikimit me fibra optike në objektet jashtë vendit.
Pamjet ajrore treguan oficerët duke bërë një arrestim në shtëpinë e familjes së Teixeira.
Arrestimi ndodhi në Dighton, qytet me 8000 banorë rreth një orë në jug të Bostonit.
Video here appearing to show Teixeira being taken into custody by the FBI: pic.twitter.com/0yq6hgimnD
— Natasha Bertrand (@NatashaBertrand) April 13, 2023
