TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shërbimet izraelite të sigurisë kanë marrë informacion për një kërcënim të mundshëm të lidhur me Iranin ndaj ish-kreut të Shin Bet, Ronen Bar.
Sipas raportimeve të mediave izraelite, pas alarmit të sigurisë, Ronen Bar dhe bashkëshortja e tij, Dafna Bar-Agassi, u larguan menjëherë nga Emiratet e Bashkuara Arabe dhe u kthyen në Izrael.
Burime për Channel 13 kanë bërë të ditur se evakuimi i çiftit u krye pas një paralajmërimi për një kërcënim të mundshëm iranian ndaj ish-kreut të shërbimit të sigurisë.
Ronen Bar dhe bashkëshortja e tij kishin marrë pjesë së fundmi në një konferencë të fokusuar në çështjet e sigurisë në Emirate, ku raportohet se ishin të pranishëm edhe zyrtarë të lartë të sigurisë dhe inteligjencës nga vende të ndryshme.
Megjithatë, një burim pranë autoriteteve të Emirateve i ka mohuar këto raportime, duke deklaruar se nuk ka pasur një konferencë të tillë të organizuar nga Ministri i Jashtëm i vendit dhe se pretendimet për një incident të lidhur me largimin e Ronen Bar janë “të pabazuara”.
I njëjti burim theksoi se Emiratet e Bashkuara Arabe ndjekin një politikë të mosndërhyrjes në çështjet e brendshme politike të Izraelit dhe nuk do të përfshihen në përplasje apo procese politike të brendshme të vendit. Autoritetet izraelite nuk kanë dhënë detaje të mëtejshme mbi natyrën e kërcënimit të dyshuar.
