TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-ministrja socialiste Ermelinda Meksi ka reaguar ndaj kryeministrit Edi Rama, duke e vendosur konceptin e “Besës” përballë standardit të besueshmërisë së qeverisjes.
Në një mesazh të fortë, Meksi thekson se besimi i qytetarëve në demokraci nuk fitohet përmes simbolikës apo premtimeve për të ardhmen, por provohet nga mënyra se si qeveriset vendi, përmes përmbushjes së angazhimeve, funksionimit të institucioneve, rezultateve konkrete dhe llogaridhënies.
“Besa: standardi moral i besueshmërisë së qeverisjes”, shkruan Meksi.
Ish-ministrja e Partisë Socialiste nënvizon se besimi nuk mund të kërkohet nga qytetarët nëse ai nuk mbështetet mbi funksionimin real të shtetit.
“Në demokraci, besimi nuk ndërtohet me simbolikë, por me institucione që funksionojnë, rezultate të prekshme dhe llogaridhënie, që janë kushte për besueshmërinë e qeverisjes”, shprehet ajo.
Meksi shkon edhe më tej, duke theksuar se “Besa” nuk mund të mbetet një zotim për atë që do të bëhet në të ardhmen. Sipas saj, ajo duhet të gjykohet mbi bazën e asaj që qeverisja ka realizuar dhe mbi përgjegjësinë që mban për angazhimet e marra.
“Besa nuk është thjesht një premtim për të ardhmen. Ajo matet me përmbushjen e angazhimeve, funksionimin e institucioneve dhe llogaridhënien, mbi të cilat ndërtohet besimi i qytetarëve te qeverisja”, thekson Meksi.
Mesazhi i plotë i Ermelinda Meksit
Besa: standardi moral i besueshmërisë së qeverisjes
Në demokraci, besimi nuk ndërtohet me simbolikë, por me institucione që funksionojnë, rezultate të prekshme dhe llogaridhënie, që janë kushte për besueshmërinë e qeverisjes.
Besa nuk është thjesht një premtim për të ardhmen. Ajo matet me përmbushjen e angazhimeve, funksionimin e institucioneve dhe llogaridhënien,mbi të cilat ndërtohet besimi i qytetarëve te qeverisja.
