BALLKAN, 18 Shtator 2022, 09:28

Vuçiç në ceremoninë e oficerëve serbë: Kosovën s’ia japim askujt

Vuçiç në ceremoninë e oficerëve serbë:

Presidenti i Serbisë, Aleksandër Vuçiç, ka dërguar një mesazh për Kosovën gjatë ceremonisë promovuese së oficerëve serbë.

Në fjalimin e tij, ai tha se Kosovën “s’ia jep askujt” dhe asnjë “pëllëmbë të territorit serb”.

Vuçiç në ceremoninë e oficerëve serbë: Kosovën s’ia japim askujt

“Dhe në fund, ata që kërcënojnë Serbinë dhe popullin tonë sot nuk e kanë kuptuar kurrë se sa të fortë jemi ne, vendosmërinë tonë dhe vendosmërinë tonë për të mbrojtur atë që është e jona. Ne e duam vetëm që të jetë e jona dhe për këtë arsye s’ia japim askujt Kosovën, as ndonjë pjese tjetër, asnjë pëllëmbë të tokës tonë, të atdheut tonë”, tha Vuçiç, shkruan RTS, transmeton Gazeta Express.

Vuçiç foli edhe për blerjen e armëve dhe pajisjeve ushtarake, duke shtuar se këtë e arrijnë me përparim ekonomik.

Mbi këtë temë sot ka folur edhe kryeministri Albin Kurti për një gazetë kroate. Ai tha se e sheh me shqetësim që Serbia aktualisht po armatos fuqishëm ushtrinë e saj me pajisje që i merr nga Rusia dhe Kina.

Për këtë, Kurti tha se beson se do të ishte e papërgjegjshme të thuash se nuk do të ketë kurrë konflikt dhe se nuk e përjashton mundësinë e luftës.

“Asnjë pëllëmbë të tokës tonë, të atdheut tonë, rroftë oficerët më të rinj të ushtrisë sonë, rroftë Serbia”, ka përfunduar Vuçiç.