TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një video tronditëse nga momenti kur anija Raptor fundoset në brigjet e Lesvos është publikuar nga një faqe turke.
Siç shihet në video, anija shihet duke “luftuar” për të qëndruar në det, ndërsa ngadalë valët e “gëlltisin”.
‘Raptor’ ishte nisur nga porti egjiptian i Al Dekheila me destinacion Stambollin.
Anija e mallrave që në ngarkesë kishte kripë, ishte ndërtuar në vitin 1984 dhe ishte e gjatë 106 metra.
Pas përmirësimit të kushteve të motit, kanë vazhduar kërkimet për ekuipazhin e zhdukur. Deri më tani është gjetur kapiteni, një 30-vjeçar egjiptian.
View this post on Instagram
Roja Bregdetare me ndihmën e mjeteve lundruese në zonën detare në jugperëndim të Lesvos po vijojnë kërkimet për 13 anëtarët e tjerë të anijes së mallrave.
Gjithsej 14 anëtarë të ekuipazhit (një indian, njëmbëdhjetë egjiptianë dhe dy sirianë) ndodheshin në bordin e Raptor, i cili u mbyt në rrethana të paqarta, ndërsa anija po transportonte kripë nga Egjipti për në Stamboll.
