TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në zgjedhjet lokale në Ulqin nuk ka fitues. Ky është verdikti i zgjedhësve në komunën me shumicë shqiptare në Mal të Zi.
Nga rezultatet paraprake rezulton se nga 20.392 zgjedhës të regjistruar kanë marr pjesë 11.634 ose 50.15%m të cilët kanë zgjedhur përbërjen e këshillit të ri të komunës i cili do të zgjedh edhe kryetarin e komunës.
Por sipas rezultateve do të duhet një koalicion pas zgjedhor për të formuar pushtetin e ri në qytetin bregdetar të Malit të Zi.
Koalicioni më i madh prej pesë partive i drejtuar nga URA e Dritan Abazoviç ka arritur të marrë 4899 vota ose 14 këshilltarë.
Partia Demokratike e Socialistëve e Millo Gjukanoviç në koalicion me Partinë Boshnjake kanë marrë 2170 vota ose 7 mandate në këshill.
Koalicioni mes Unionit Demokratik të Shqiptarëve dhe Lidhja Demokratike në Mal të Zi kanë qenë befasia e zgjedhjeve duke arritur të marrë 1971 vota ose pesë mandate këshilltarësh.
Forca e re demokratike e Genci Nimanbegut ka pësuar ulje të votuesve duke marr 1655 vota ose 5 këshilltarë.
Ndërsa Demokratët e Malit të Zi të ish kryeparlamentarit Aleksa Beçiç 837 vota ose dy këshilltarë.
Këshilli i Komunës se Ulqinit përbëhet nga 33 këshilltarë, ndërsa për formimin e qeverisë lokale duhen 17 këshilltarë për të formuar shumicën.
