TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Paraditen e sotme, kryeministri i Kosovës Albin Kurti ka votuar në Prishtinë në raundin e dytë të zgjedhjeve lokale për kryetarë të komunave.
Pasi ushtroi të drejtën e tij për të votuar, Kurti tha para gazetarëve se me këtë proces të radhës, Kosova është duke përmbyllur një vit të suksesshëm elektoral.
Po ashtu, kryeministri u shpreh se Republika e Kosovës e ka treguar se është një shtet demokratik, në të cilin respektohen të drejtat e të gjithë qytetarëve.
Pjesë nga fjala e Kurtit:
Unë si qytetar i republikës dhe banor i kryeqytetit porsa votova. Ushtrova të drejtën demokratike për të zgjedhur kryetarin e komunës që do të qeverisë në katër vitet në vijim. Komuna është shumë e rëndësishme…i inkurajoj qytetarët me të drejtë vote që ta shfrytëzojnë mundësinë, e ta përdorin këtë rast.
Moti është shumë i bukur, dhe pjesëmarrja sa më masive është e pritshme. Mekanizmat shtetërorë do të kujdesen për mbarëvajtjen e procesit. Po përmbyllim një vit të suksesshëm elektoral.
Republika e Kosovës e ka dëshmuar se është një shtet demokratik në të cilin respektohen të drejtat e të gjithë qytetarëve, në mënyrë të lirë e të ndershme zgjedhin.
