TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Atalanta ka marrë një fitore historike në ditën e sotme teksa ka mposhtur me rezultatin 5-0 Milanin. Kuqezinjtë janë dorëzuar pa kushte ndaj bergamaskëve të Berat Gjimshitit, i cili qëndroi në fushë për 90 minuta.
“Djalli” rikthehet te disfata pas katër takimeve ku i kishte hedhur humbjet pas krahëve, ndërsa situata në klasifikimi është e rënduar. Takimi nisi mirë për Atalantën që kaluan në avantazh në minutën e 10 falë një goli të bukur nga Gomez. Sulmuesi depërtoi në zonë dhe mposhti Donarumën me një goditje precize. Me këtë rezultat u mbyll pjesa e parë, ndërsa në fraksionin e dytë kuqezinjtë u shpërbënë.
Milani pësoi tre gola në harkun e 11 minutave. Fillimisht, dyfishoi Pasaliç, ndërsa më pas erdhi radha e Iliçiç që realizoi një dopietë. Në minutën e 84, Muriel realizoi edhe golin e pestë teksa Donaruma pati një pjesë të madhe të fajit. Kështu, në fund takimi u mbyll me shifrat 5-0, me Atalantën që ngjitet në vendin e pestë me 31 pikë.
