AKTUALITET, 26 Mars 2021, 08:36

Akuzohet se mashtronte qytetarët për punësim, arrestohet 27-vjeçari

Akuzohet se mashtronte qytetarët për punësim, arrestohet

Një 27-vjeçar është arrestuar nga policia e Tiranës për shkak se akuzohet për mashtrim.

Sipas policisë i arrestuari është identifikuar si A.H 27-vjeç.

Ai dyshohet se nëpërmjet mashtrimit merrte shuma parash personave të ndryshëm, me qëllim që ti punësonte në sektorin privat dhe publik.

Njoftimi i policisë:

Nga specialistët për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë u bë ndalimi i shtetasit A. H., 27 vjeç, pasi ky shtetas në anë të mashtrimit, iu merrte shuma parash personave të ndryshëm, me qëllim që ti punësonte në sektorin privat dhe publik.