TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Preç Zogaj, duke komentuar në emisionin “Të Paekspozuarit” në MCN TV, vendimin e Gjykatës Kushtetuese për të pezulluar zgjedhjet vendore në Tiranë, u shpreh se ajo dëshmoi sovranitet dhe nëse bëhen zgjedhje në kryeqytet, ai që i bën është aventurier.
“Gjykata Kushtetuese ka marrë disa herë vendime që kanë sfiduar presidentin, qeverisë, sidomos para vitit 2013 që ka patur një gjykatë autoritare dhe kjo mund të quhet e vogël nga ato që janë prezantuar nga qeveria e asaj kohe.
Unë mendoj se Gjykata ka marrë një vendim me peshë, shumë të rëndësishëm, ka dëshmuar sovranitet. Në analizë të fundit, me debate, me interpretime, se nuk është çështje 1 e 1 bëjnë 2. Duhet ta marrim si meritë.
Nuk mund të sfidohet gjykata duke shkuar në zgjedhje.
Është shumë e vështirë dhe ai që e bën atë është aventurier sepse duhet të ndjekim rrugën e ligjit. Pas pak ditësh mund të kuptojmë se çfarë do të ndodhë. Nuk do të bëhen zgjedhjet në Tiranë dhe GJK mund ta quajë të padrejtë shkarkimin”- tha Zogaj.
