TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama ndodhet sot në Elbasan ku po mban takime me biznesin me temë “Paqja fiskale”.
“Jetojmë në një realitet ku kemi jetën e përditshme të të gjithëve, nga ana tjetër kemi një jetë virtuale me pasqyrat e të gjithëve ku nuk ka vend për suksesin tuaj.
Njoh një pjesë të mirë tuajën dhe e di shumë mire se sa shumë keni ecur e se çfarë premisash të reja ka ekonomia falë jush.
Por në ato pasqyra nuk ka vend për ju sepse ju përfaqësoheni atje nga legjenda oligarkësh, 2-3 apo 5, të tjerët nuk ekzistojnë. Sipas tyre 5 janë ata që marrin lekët, ndërsa në vend nuk ka bukë e ujë dhe jemi në buzë të ferrit.
Unë besoj shumë që sikur jo të kishte hapësirë të plotë, por një pjesë e hapësirës virtuale t’i jepej suksesit e shembujve frymëzues, me siguri do të kishim shumë më tepër ekonomi”, tha ai.
Kryeministri Edi Rama, teksa prezantonte planin e paqes fiskale, është shprehur se tatimfitimi i caktuar 15% ndaj kompanive nuk do të preket nga ana e qeverisë.
Rama u shpreh se ka një hapësirë ende të pashkelur për të rritur të ardhurat për shtetin, duke shtuar se në aspektin e administrimit “e dimë që do të kemi të meta dhe boshllëqe që janë tonat”.
Por theksoi Rama, nuk synon rritjen e të ardhurave duke ushtruar presion mbi sipërmarrjen, pasi sipas tij do të shkaktonin më shumë dëm.
Edi Rama: Tatim fitimin e kemi vendosur 15% që atëherë dhe nuk e lëvizim, as nuk do ta rrisim dhe as nuk do ta prekim. Do të jetë 15%.
Në aspektin e administrimit e dimë që do të kemi të meta dhe boshllëqe që janë tonat, e dimë që kemi një hapësirë ende të pashkelur për të rritur të ardhurat për shtetin.
Ne nuk duam të synojmë rritjen e të ardhurave duke ushtruar presion mbi sipërmarrjen, dhe dukë bërë më shumë dëm se sa mirë.
