TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas krimit të rëndë që tronditi vendin ku Klodian Çalamani vrau me lopatë dhe më pas groposi një fëmijë 8-vjeçar, SHÇBA ka nisur hetimet ndaj policisë së Fierit.
Raportohet se SHÇBA po heton lidhur me veprimet e policisë, për denoncimet e vazhdueshme që kanë bërë qytetarë të ndryshëm ndaj autorit të krimit.
Disa banorë janë shprehur se autori ishte problematik dhe shpesh herë është akuzuar, për përdhunim, dhunë e rrëmbim të personave.
Njoftimi i SHÇBA:
Fier – Pas publikimit në media të disa deklaratave prej banorëve në fshatin Greçalli të Fierit në lidhje me ngjarjen tragjike të vrasjes së të miturit nga shtetasi i dyshuar, Klodian Çalamani, SHÇBA njofton se ka nisur procedurat hetimore mbi veprimet e Policisë Fier në lidhje me denoncimet e kryera ndaj autorit përpara ngjarjes së datës 16.11.2021.
SHÇBA fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit duke telefonuar në numrin e gjelbër 0800 90 90.
