TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ende asnjë shenjë jete për 57 vjeçarin portugez, që humbi lidhjet me miqtë pasditen e të dielës pasi u hodh në det.
Një skaf i Policisë Kufitare të Sarandës ka dalë mëngjesin e sotëm në kërkim të shtetasit portugez Antonio Manuel Antunes Gonçalves 57 vjeç i cili ka humbur kontaktet me miqtë e tij prej pasdites të së dielës në orën 18:00. Kërkimet për 57-vjeçarin portugez bëhen edhe nga toka nga efektivë të Komisariatit të Policisë Sarandë.
57-vjeçari portugez Antonio Manuel Antunes Gonçalves, i ndodhur në Sarandë me miq për turizëm pasditen e të dielës ishin në afërsi të lagunës, në vendin e quajtur “Buka e Vivarit”, për drekë. Në një moment është ngritur dhe është futur me not në det. Që nga ai moment nuk është parë më.
Kërkimet për gjetjen e tij vijojnë në det dhe në zonën përreth bregut.
Ndërkohë grupi hetimor i ngritur nga Komisariati i Policisë Sarandë po punon për sqarimin e plotë të rrethanave të ngjarjes.
