TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një 36-vjeçare është arrestuar nga policia e Durrësit, në kuadër të megaoperacionit ‘Tempulli’. E reja ishte shpallur në kërkim pasi Gjykata e Durrësit i ka masën e sigurisë "Arrest në burg", për prodhim dhe shitje të lëndëve narkotike.
Më herët ditën e sotme në kuadër të megaoperacionit janë vënë në pranga edhe 2 të mitur në Fier dhe 49-vjeçari , A. Z., në Poliçan
Njoftimi i policisë:
Qaku Durrës/Vijon megaoperacioni policor i koduar “Tempulli”.
Lokalizohet, kapet dhe vihet në pranga një 36-vjeçare e shpallur në kërkim në kuadër të këtij megaoperacioni.
Si rezultat i veprimeve intensive hetimore dhe procedurale, të kryera në vijim të megaoperacionit policor mbarëkombëtar të koduar “Tempulli”, specialistët e Seksionit për Hetimin e Narkotikëve të Drejtorisë Vendore të Policisë Durrës, të mbështetur nga informacionet e siguruara nga inteligjenca policore, për vendndodhjen e një shtetaseje të shpallur në kërkim në kuadër të këtij megaoperacioni, kapën dhe ndaluan shtetasen F. S., 36 vjeçe, banuese në Durrës.
36-vjeçarja ishte shpallur në kërkim pasi gjykata e Shkallës së Parë e Juridiksionit të Përgjithshëm Durrës i ka masën e sigurisë “Arrest në burg”, për veprën penale “Prodhimi dhe shitja e narkotikëve”.
Vijon puna për lokalizimin dhe kapjen e shtetasve të tjerë të shpallur në kërkim në kuadër të megaoperacionit “Tempulli”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
