TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shqipëria ka marrë financimin paraprak të parashikuar në kuadër të Mekanizmit të Reformës dhe Rritjes të BE-së. Ky është pjesë e Planit të Rritjes për Ballkanin Perëndimor, i cili ka si qëllim të përshpejtojë konvergjencën socio-ekonomike të rajonit me BE-në dhe të hapë rrugën për anëtarësimin në BE.
Financimi paraprak, në vlerën 64.5 milionë euro, është në proces dhe do të mbështesë zbatimin e Agjendës së Reformës, në kuadër të Mekanizmit të Reformës dhe Rritjes, si dhe angazhimet që Shqipëria ka marrë me të.
Ambasadori i BE në Shqipëri, Silvio Gonzato, ka përshëndetur këtë financin, ndërsa shprehet se Plani i Rritjes nxit ekonominë, forcon sundimin e ligjit, mbështet një Shqipëri më të gjelbër dhe fuqizon kapitalin njerëzor.
“Urime Shqipërisë për arritjen e një tjetër momenti të rëndësishëm në rrugëtimin e saj të anëtarësimit në BE. Plani i Rritjes nxit ekonominë, forcon sundimin e ligjit, mbështet një Shqipëri më të gjelbër dhe fuqizon kapitalin njerëzor. BE qëndron me Shqipërinë në rrugën e saj drejt anëtarësimit ????????????????!”, shkruan Gonzato.
Sipas Delegacionit të Bashkimit Evropian në Shqipëri, me këtë financim paraprak, Shqipëria mori 30 milionë euro kkredi koncesionare për buxhetin e shtetit, si mbështetje për zbatimin e reformave në kuadër të Agjendës së Reformës së vendit.
Pjesa tjetër e financimit paraprak, prej 34.5 milionë eurosh, në forma grantesh dhe huash koncesionare, do t’i injektohet drejtpërdrejt WBIF-it (Western Balkans Investment Framework) për investime në infrastrukturë në Shqipëri.
Deri në vitin 2027, Shqipëria ka mundësinë të marrë deri në 922.1 milionë euro në total nga Fondi i Reformës dhe Rritjes për Ballkanin Perëndimor, në këmbim të reformave në sundimin e ligjit dhe të drejtat themelore, energjinë e rinovueshme, ekonominë dixhitale, kapitalin njerëzor dhe zhvillimin e sektorit privat.
Pagesat e ardhshme në kuadër të Facilitetit do të bëhen me përfundimin e hapave të reformës të rënë dakord ndërmjet Komisionit dhe Qeverisë Shqiptare në Axhendën e Reformës. Ndërsa Shqipëria përparon në zbatimin e Axhendës së Reformës, BE do të zhbllokojë pagesat.
