TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-kryeministri Sali Berisha atakoi qeverinë Rama si fajtoren e vetme për shpopullimin e vendit. Gjatë një fjalimi të mbajtur me banorë të Degës 4 në Tiranë, Berisha tha se PD ka një politikë demografike për të ripopulluar sërish vendin.
Ai nënvizoi se do të kryhet subvencionimi i fëmijës së tretë nga lindja deri 22-vjeç, si dhe do të hartohen politika efikase që do t’iu ofrojnë lehtësira të gjithë emigrantëve për t’u rikthyer në Shqipëri.
Berisha: Ju keni shtruar probleme shumë të rëndësishme. Po i marr me radhë, emigracioni dhe diaspora përbëjnë një potencial të jashtëzakonshëm, por nuk mund të jetë i tillë nëse ne nuk konsiderojmë një tërësi kombëtare, së pari kjo do tu thotë të njohësh të drejtën e votës dhe një kuadër që ato kursime që kanë krijuar t’i investojnë në vendin e tyre. Kjo nuk është e thjeshtë por është e mundshme. Nga viti 2008 në vitin 2011 u kthyen 180 mijë familje nga emigracioni. Në vitin 2005 në administratë kishte 1% shqiptarë të shkolluar jashtë në fund të mandatit kishte 23%. Kjo është një çështje themelore për kombin shqiptar, bëhet emergjente në këtë shpopullim të tmerrshëm që ka ndodhur nga viti 2013.
Nga viti 2017 deri në vitin 2013 numri i popullatës ën Shqipëri vetëm është shtuar. Ndërsa nga viti 2014 dhe këto 8 vite 26 % e popullatës kanë emigruar vetëm në kufijtë e Bashkimit Evropian. Përveç rikthimit Shqipëria e ka të nevojshme një poltikë demografike.
Duhet të subvencionojmë fëmijën e tretë nga mosha që lind deri sa të bëhet 22-vjeç. E kanë bërë shtete të tjera dhe ka qenë efikase. Emigrantëve duhet t’u ofrohen të gjitha mundësitë. Shqipëria ka potenciale të jashtëzakonshme biznesi dhe do punohet me seriozitet në këtë drejtim.
