TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Tre persona janë arrestuar pas ngjarjes së një dite më parë në Tiranë, ku në një pallat në ndërtim e sipër, skela u shemb dhe ra mbi dy kalimtarë, të cilët morën dëmtime.
Në pranga u vunë shtetasit me iniciale E. O., E. K., dhe Z. K., me profesion punëtor ndërtimi, sipërmarrës dhe inxhinier.
Pas ngjarjes, babë e bijë, 70 dhe 45 vjeç, u dërguar në spital për ndihmë mjekësore.
Gjendja e 70-vjeçarit është e rënduar dhe ndodhet në gjendje kritike, ndërsa 45-vjeçarja është jashtë rrezikut për jetën.
Ka nisur puna për zbardhjen e plotë të rrethanave të ngjarjes.
“Më datë 22.01.2024, rreth orës 10:10, në bulevardin “Gjergj Fishta”, janë rrëzuar skelat e nje pallati në ndërtim e sipër, dhe si pasojë janë dëmtuar 2 shtetas (kalimtarë) H. L., rreth 70 vjeç, dhe I. Sh., rreth 45 vjeçe. Dy të dëmtuarit ndodhen në spital, në kujdesin e mjekëve. Në ambientet e Policisë janë shoqëruar inxhinieri i pallatit, shtetasi K. S., dhe punëtorët N. S., dhe A. P., për veprime të mëtejshme procedurale. Grupi hetimor ndodhet në vendngjarje dhe po punon për sqarimin e rrethanave të ngjarjes”, thuhej në njoftimin e policisë.
