TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i Ukrainës, Volodymyr Zelenskyy ka zhvilluar një bisedë telefonike me kryeministrin Edi Rama, ku e ka ftuar këtë të fundit të marrë pjesë në Samitin Ukrainë-Evropa Juglindore.
Me anë të një postimi në rrjetin X, Zelenskyy thotë se e ka informuar kreun e qeverisë shqiptare për sulmet e fundit ruse me raketa dhe dronë.
Sipas tij, Rusia me veprimet e fundit ka treguar se nuk do që ti japë fund luftës.
“Pata një bisedë të mirë me Kryeministrin e Shqipërisë Edi Rama. E informova për sulmet e fundit ruse me raketa dhe dronë. Këto sulme tregojnë edhe një herë se Rusia nuk ka ndërmend t’i japë fund luftës”, shkruan Zelensky, i cili thekson se “kjo është arsyeja pse na duhet një presion mjaft i fortë për ta ndaluar më në fund”.
“Ne mbështetemi në të gjitha hapat e nevojshëm në këtë drejtim që do të ndërmerren në të ardhmen e afërt. Gjithashtu diskutuam bashkëpunimin tonë me partnerët evropianë dhe unitetin tonë. E ftova Kryeministrin të marrë pjesë në Samitin Ukrainë-Evropë Juglindore, dhe Shqipëria do të përfaqësohet. Faleminderit, Shqipëri, për mbështetjen e Ukrainës dhe popullit tonë”, mbyll postimin e tij Presidenti i Ukrainës.
I had a good conversation with the Prime Minister of Albania @ediramaal.
— Volodymyr Zelenskyy / Володимир Зеленський (@ZelenskyyUa) May 26, 2025
I informed him about the recent Russian missile and drone attacks. These strikes once again demonstrate that Russia has no intention of ending the war. That’s why we need pressure strong enough to finally… pic.twitter.com/ZtseGcEjPN
