TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë Socialiste, Edi Rama, pas Korçës, u ndal në Pogradec, ku mes të tjerash përmendi rrugën e re që lidh këtë qytet me Tiranën dhe Korçën.
Rama e quajti rrugën hyrëse në Pogradec si më të bukurën në Shqipëri dhe kjo u arrit falë Qeverisë, pavarësisht vështirësive.
“Rruga hyrëse e Pogradecit është më e bukura panoramike në të gjithë Shqipërinë. Sot kanë mbetur vetëm një grusht fshatrash pa ujin e pijshëm. Në këtë rrugëtim drejt 11 majit, kemi takimin me historinë. Në Shqipëri ka pasur një moment të tillë në mars 1992, ku masivisht u votua PD, pavarësisht se nuk ishin me PD, pasi në zgjedhjet e ardhshme një pjesë e mirë nuk e votuan. Në atë kohë nuk panë as bufin që dilte në prehri i Partisë së Punës, por sepse ishte takim me historinë, për t’i hapur rrugë vendit drejt Europës.
Më 11 maj është një moment shumë i ngjashëm, kjo për të anëtarësuar vendin në BE. Prandaj, nuk ka shumë rëndësi nëse je apo jo me PS-në, duhet që edhe ai që është i lëkundur t’i bashkohen besës, për t’i dhënë Shqipërisë rrugën e duhur.”, tha ai.
