TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Janë bërë publike emrat e pesë personave të arrestuar për rrëmbimin dhe shantazhimin e një 68-vjeçari, ngjarje që ndodhi më 29 prill në Tiranë.
Personi i rrëmbyer, Edvar Agalliu, dyshohet se ishte përfshirë në një konflikt për shkak të një ngacmimi ndaj bashkëshortes së njërës prej autorëve.
Të arrestuarit janë: S.S, 31 vjeç, K.S, 21 vjeç (vëllezër), I.M, 21 vjeç, B.I, 57 vjeç dhe N.B 32 vjeçe – të gjithë banues në Tiranë.
Sipas hetimeve, Agalliu është futur me forcë në një automjet në rrugën “George W. Bush”, nga tre prej autorëve: vëllezërit S dhe M.
Më pas ai është dërguar në një banesë të braktisur në fshatin Kakunjë, ku është mbajtur peng.
Autorët kanë kontaktuar bashkëshorten e viktimës dhe e kanë shantazhuar për jetën e tij, duke i kërkuar një shumë prej 2 milionë lekësh të reja (20 milionë lekë të vjetra). Paratë janë dorëzuar në zonën e Saukut te 57-vjeçari B.I.
Policia ka kryer kontrolle në banesat e të dyshuarve dhe në një automjet të përdorur nga S.S dhe N.B, ku janë sekuestruar 1.746.000 lekë, të dyshuara si të përfituara nga shantazhi.
