TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-kryeministri Sali Berisha mbajti këtë të dielë një takim me shqiptarët që jetojnë në Itali.
Gjatë bashkëbisedimit virtual Berisha shprehu qëndrimin e hapur kundër Ballkanit të Hapur dhe theksoi se politika e jashtme e kryeministrit Rama e ka kthyer Shqipërinë në vasale të Beogradit.
“Nuk ka patur kurrë dhe nuk mund të ketë asnjë lloj flirti me Rusinë e cila 2 shekujt e fundit ka mbajtur qëndrime kundër kombit shqiptar.
Theksova këto se bëhet një zhurmë në një kohë kur sot Edi Rama voton dhe bashkëpunon me NATO-n, por nga ana tjetër është avokati i vetëm i politikës filo-ruse të Vuçiçit në Evropë.
Mbron aksin Beograd-moskë. I kërkon Evropës të mos i bëjë presion Vuçiçit për mos vendosjen e sanksioneve.
Herë pas here përdor terminologjinë e Vuçiçit dhe ka shndërruar Shqipërinë në vasale të Beogradit. U ndala në këta faktorë për të treguar se në çfarë rreziku është sot Shqipëria. Ju jeni dëshmitarë të ritmeve të shpejta të shpopullimit të Shqipërisë. Kjo është e qëllimshme. Në vitin e parë të qeverisjes ai ka prishur 9 mijë objekte dhe biznes duke i lënë alternativë njerëzve të largohen nga Shqipëria”, tha Berisha.
