TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sali Berisha, Kreu i Partisë Demokratike në një konferencë për mediat ka njoftuar se në ditët në vijim do të mësohet dhe data e nisjes së protestave. Berisha foli për vazhdimin e betejës në parlament dhe kombinimin e saj me një lëvizje të fuqishme popullore.
Kryedemokrati u shpreh se, Rama dhe gjykata nuk do të ndalin aksionin opozitar, ku sipas tij është tejkaluar “vija e kuqe” dhe në ditët që vijnë do të ketë një përgjigje të fortë të opozitës. Berisha tha se për datën e lëvizjeve opozitare do të diskutohet në Këshillin Kombëtar.
“Asgjë nuk ndryshon kjo, ne kemi nisur betejën në parlament, por e kemi nisur me vendosmërinë më të fortë. Kur kemi nisur betejën në parlament kemi vetëdije se çfarë kemi marrë përsipër. Nuk ka diskutim se ajo do të shoqërohet me një mbështetje të fuqishme popullore.
Këto nuk ndalen më, këto protesta nuk ndalen më nga asnjë masë e Edi Ramës. Të bëjë çfarë të dojë, ne do të vijojmë. Ne do i përgjigjemi sepse ai ka kaluar çdo vijë të kuqe. Do të konsultohemi me Këshillin Kombëtar dhe aleatët për protestat. Protesta ka nisur në parlament, të jeni të bindur që do jetë serioze, javë pas jave.
Kanë dërguar 22 me prokurorinë Felaj, pro gjykatësit i thanë prokurorisë Felaj se nuk ka asnjë shkelje ligjore. Kjo është e vërteta. Shikoni çfarë skenari, ta bëjnë sa më të madhe që njerëzit të thonë se ka ndodhur diçka. Ai është procesi më i përsosur që mund të ketë ndodhur në rrafshin ligjor. Ai proces ka një shkelje ligjore, më duhet ta pranoj.
Atë e ka bërë Edi Rama. Rama ka ndryshuar destinacionin që në vitin 2006, në 6 qershor ka ndryshuar destinacionin”, u shpreh ai ndër të tjera.
