TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Preç Zogaj u tregua mosbesues për primaret që zhvilloi Partia Demokratike.
Duke komentuar rezultatet në studion e emisionit “Të Paekspozuarit” në MCN, Zogaj tha se ato u premtuan nga Berisha, por vende të tjera tani nuk e i bëjnë më, sepse synojnë vota përtej militantëve.
“Është një sinjal se partia është zvogëluar. Nuk ka atë numër që ka patur, ka firuar. Një arsye është edhe koha e shkurtër. Primaret u premtuan nga Berisha kur mori kryesimin e partisë, ngeli si peng i premtimeve të mëdha kur nuk e kishte partinë, jo më tani që e ka partinë.
Grupi i Bashës nuk krijoi një fraksion dhe partia ka mbetur e pa bashkuar. Kemi një primare shumë rifuxho se të tëra partitë kërkojnë rrugë për kandidatë të mundshëm, por në Evropë u kanë ikur primareve, sepse sfida është që të marrësh vota përtej militantëve.
Vendet që i kanë provuar për dekada nuk i bëjnë më dhe Shqipëria mbas 34 vitesh i eksperimenton. Primare kur nuk ballafaqohen kandidatët, as stili, as formimi, janë sa për të larë gojën. Berisha kishte mbetur peng.
Në këto primare prevalojnë lobimet brenda”- tha Zogaj.
