TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjergji Priftuli, 37-vjeçari që përplasi me gomone dy pushues në bregdetin e Jalës pak ditë më parë është liruar nga qelia. Gjykata ka caktuar ndaj tij masën e sigurisë “arrest shtëpie”.
Në seancë i pandehuri ka heshtur ndërkohë që ka qenë avokati ai që ka kërkuar masë më të lehtë sigurie duke i bërë thirrje gjyqtarit Hektor Sinanaj që klienti i tij të lirohet nga burgu.
Sipas tij ngjarja ka qenë aksidentale pasi 37-vjeçari ka pasur edhe fëmijët e tij në breg. Priftuli pretendon se ka humbur kontrollin e mjetit lundrues duke u rrëzuar.
Për masën, gjyqtari Sinanaj ka vlerësuar edhe faktin se personi nuk ka qenë i dënuar më parë ndërkohë që mjeti ka qenë me dokumente.
