TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gomonia e fuqishme me 4 motorë, e cila u ndoq ditën e djeshme nga Guardia di Finanzia dhe policia shqiptare është gjetur e djegur në zonën e Godullës. Mjeti rreth 8 metra i gjatë, me 4 motorë prej 300 kuaj fuqi secili dhe një radar të kushtueshëm, është konstatuar duke u djegur nga shërbimet e policisë, të cilët nuk kanë evidentuar asnjë person në kuvertë.
Ndjekja e gomones erdhi pas dyshimeve se në të gjendej lëndë narkotike për trafikim.
Mjeti lundrues u pikas në afërsi të grykëderdhjes së Vjosës dhe dyshohet se ka ardhur nga ujërat greke. Pasi i shpëtoi ndjekjes policore, mjetit i është vënë flaka në zonën bregdetare të Godullës.
NJOFTIMI
Më datë 20.07.2022, rreth orën 05:30, në derdhje të hidrovorit të Adriatikut, në breg të detit, në Godull, Kurbin, është konstatuar nga shërbimet e Policisë, një mjet lundrues, duke u djegur.
Shërbimet e Policisë vijojnë krehjen e zonës. Deri tani nuk është konstatuar asnjë person apo send i kundërligjshëm.
Grupi hetimor vazhdon hetimet për sqarimin e rrethanave të ngjarjes.
