TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një 56-vjeçar është arrestuar, pasi dyshohet se i ka premtuar marrjen e patentës një shtetasi, pa përfunduar praktikën.
Mësohet se shtetasi me iniciale A. D., i ka marrë rreth 50 000 lekë të rinj të riut me iniciale J.M., pas premtimit se do të regjistronte në autoshkollën e mikut të tij dhe do i jepte leje drejtimi pa përfunduar praktikën.
Njoftimi i policisë:
I mori 50 000 lekë të rinj një shtetasi, duke i premtuar se do ta pajiste me leje drejtimi për automjet, pa përfunduar praktikën, kapet dhe vihet në 56-vjeçari. Nga strukturat hetimore të Drejtorisë Vendore të Policisë Dibër u bë kapja dhe arrestimi i shtetasit A. D., 56 vjeç, banues në Bulqizë.
Ky shtetas dyshohet se i ka marrë shumën 50 000 lekë të rinj, shtetasit J. M., 32 vjeç, me premtimin se do ta regjistronte ne autoshkollën e shokut të tij dhe do ta pajiste me lejen e drejtimit, pa përfunduar praktikën që parashikohet ligjërisht.
Materialet procedurale i kaluan Prokurorisë pranë Gjykatës së Shkallës së Parë Dibër, për veprime të mëtejshme.
