TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas delegacionit të Bashkimit Europian dhe SHBA-së, edhe Britania e Madhe ka shprehur mbështetjen e saj për vijimin e procesit të vetingut.
Ambasada Britanike me anë të një postimi në Facebook, shkruan se mbështet Kuvendin për të zgjatur mandatin e organeve të vetingut.
Ambasada shprehet se zbatimi i reformës në drejtësi është thelbësore për një sistem të pavarur dhe efikas.
Deklaratë e Ambasadës Britanike:
Zbatimi i reformës në drejtësi është thelbësor për një sistem drejtësie të pavarur dhe efikas si dhe për të ardhmen e Shqipërisë.
Ne inkurajojmë Kuvendin e Shqipërisë të mbështesë zgjatjen e propozuar të vetingut.
Procesi i rivlerësimit i të gjithë gjyqtarëve dhe prokurorëve duhet të bëhet në mënyrë të drejtë dhe të barabartë. Kjo do të ndikojë në konsolidimin e mëtejshëm të reformës dhe në përgjithësi në rritjen e besimit në sistemin e drejtësisë.
Më herët, në një deklaratë të përbashkët, BE dhe SHBA shprehën gjithashtu mbështetjen e tyre për zgjatjen e mandatit të vetingut.
Ata thonë se kjo nuk është një çështje partiake, por një element themelor i reformës në drejtësi.
