TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetarja e Lëvizjes Socialiste për Integrim, Monika Kryemadhi ka thënë se amnistia fiskale nuk do t’u shërbejë emigrantëve, madje do të shërbejë për pastrimin e parave nga institucione apo grupe kriminale brenda dhe jashtë vendit.
Në një intervistë për Zërin e Amerikës, Kryemadhi tha se ajo që po ndodh teksa diskutohet projektligji për amnistinë fiskale, ajo që po ndodh është manipulimi i opinionit publik.
“Amnistia fiskale, nuk mendoj se shërben me çështjen e diasporës, nuk mendoj se ka ndonjë emigrant në SHBA dhe do sjellë 2 milionë kesh, mendoj se është manipulim i opinionit, për të mos thënë që mund të shërbeje për pastrim parash për institucione apo grupe kriminale jashtë dhe brenda Shqipërisë”, tha ajo.
Më herët edhe Dhoma Amerikane e Tregtisë shprehu shqetësimin për projektligjin e amnistisë fiskale, duke rekomanduar tërheqjen e tij.
Kjo pasi rreziqet e parashikuara janë më të mëdha se përfitimet dhe nuk ofron garanci të mjaftueshme që individët e implikuar në veprimtari kriminale do të përjashtohen nga amnistia.
