TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i Komunitetit Mysliman Shqiptar, Bujar Spahiu, ka uruar shqiptarët për nisjen e muajit të shenjtë të Ramazanit.
Ai ka shtuar se Ramazani nuk është muaj diete, por është një mundësi që besimtarët të pastrojnë shpirtin dhe trupin.
“Ramazani është një mundësi që zoti na ka dhuruar për të pastruar trupin dhe shpirtin. Ramazani nuk është muaj diete, por muaj adhurimi, përmes të cilit njeriu ka mundësinë e artë të arrijë kënaqësinë e zotit. Përmes kësaj arritje të begatojë veten e tij me mirësi në këtë botë dhe atë të përtejmen. E lusim Zotin të na e bëjë këtë muaj paqe e begati!”, tha mes të tjerash ai.
Nesër besimtarët myslimanë në mbarë botën nisin muajin e shenjtë të Ramazanit. Gjatë këtij muajit të bekuar (30 ditë), besimtarët myslimanë mbajnë agjërim, një nga 5 kushtet e islamit.
Dita e parë e Ramazanit është më 11 mars, ku koha e syfyrit për vendin tonë përkon në orën 04:23, ndërsa iftari në orën 17:49. Dita e fundit e Ramazanit është më 9 prill, ndërkaq Fitër Bajrami festohet më 10 prill.
