TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama ka njoftuar se ditën e nesërme do të mblidhet bordi me pesë përfaqësues të furnizuesve të naftës në vendin tonë për të caktuar çmimet që çdo pikë do të shfaqë në tabelë.
Rama u shpreh se mbledhja e parë do të jetë me prezencë fizike pastaj çdo takim do të vijojë në zoom.
Ai tha se në vijim qeveria do të angazhohet për të krijuar rezervën e saj duke përdorur Albpetrolin. Kjo shtoi ai do të bëhet që Shqipëria të ketë aktorin e vet për ditë të këqija.
“Paraditen e nesërme na bëni me dije pesë përfaqësuesit të bordit kombëtar të furnizimit me karburant. Nesër pasdite bordi do të mblidhet.
Nesër mbledhja duhet të jetë me prezencë fizike. Pastaj çdo ditë bordi do të mblidhet me zoom. Të gjithëve në fund do u jepet çmimi që do të shfaqet në tabelë ditën e nesërme nga bordi. Qeveria do të garantojë transparencën e çmimit dhe pastaj do të thotë fjalën e fundit.
Me objektivin që furnizimi të jetë i furnizuar. Me një çmim që të ardhurat e furnizuesve të jenë pa humbje por jo për të fituar.
Marzhi i fitimit do të ngrijë sipas vendimit që do të vendosë bordi. Kush vë në tabelë një çmim tjetër do të humbasë pikën e furnizimit. Ne si qeveri do të angazhohemi për të krijuar rezervën e vet. Duke përdorur Albpetrolin për të pasur aktorin e vet për ditë të këqija. Ky është thjesht për informacion. Do të jemi në dispozicion për ndihmë.
Nëse do të shohim që problematika e furnizimit do të agravohet. Mungojnë bombat lavdi Zotit, mungojnë shkatërrimet të plagëve të luftës. Pjesa tjetër janë pasojë e luftës. Këtë luftë do e përballojmë duke dhënë shembullin si po jep qeveria. Qeveria po paguan 80% të çmimit të energjisë kur ai kërcet.
Ky është një shpenzim marramendës. Larg qoftë të bënim të kundërtën. Që të rrisnim çmimin për të hequr taksën e qarkullimit. Nuk ka sens që furnizuesit të kenë çmime të ndryshme. Nuk jemi në komunizëm.
Sot kjo nuk mund të tolerohet. Kush do shkojë në pikën e karburantit duhet ta dijë se sa po paguan. Në asnjë mënyrë nuk duam të hyjmë në rrugën pa krye të shtrëngimit të furnizuesve që mund të çojë në falimentim.
Nuk do shkoni në shtëpi në darkë me humbje dhe as me fitim. Do të shkoni në shtëpi në darkë me mendimin që i shërbyet popullit tuaj në kohë lufte. Ju falënderoj shumë. Në këtë moment e drejta e fjalës kalon për në mbledhjen e bordit”, deklaroi Rama.
