TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
SPAK ka kryer kontrolle në katër ambiente në Berat pas një letërporosie të autoriteteve belge.
Raportohet se gjatë operacionit u arrestua një 33-vjeçar me iniciale H. V., pasi iu gjetën në banesë dokumente false, elektroshok dhe fishekë arme gjahu.
“Në banesën e këtij shtetasi, në lagjen “28 Nëntori”, u gjetën 1 kartë identiteti dhe 1 leje drejtimi për automjet, të dyshuara false, si dhe 1 elektroshok dhe disa fishekë arme gjahu”, informuan blutë.
Kontrollet u kryen në 4 ambiente, në bashkëpunim me SPAK-un, BKH-në dhe Prokurorinë e Beratit.
Njoftimi i policisë:
Berat/Në zbatim të një letërporosie të autoriteteve belge, kryhen kontrolle në 4 ambiente, në bashkëpunim me SPAK-un.
Policia gjeti në banesën e një 33-vjeçari, dokumente false, elektroshok dhe fishekë arme gjahu.
Arrestohet 33-vjeçari dhe sekuestrohen sendet.
Si rezultat i kontrolleve të kryera në 4 ambiente, në bashkëpunim me SPAK-un, me BKH-në dhe me Prokurorinë e Beratit, në zbatim të një letërporosie të autoriteteve belge, specialistët e Seksionit për Hetimin e Krimit Ekonomik dhe Financiar të DVP Berat arrestuan në flagrancë shtetasin H. V., 33 vjeç.
Në banesën e këtij shtetasi, në lagjen “28 Nëntori”, u gjetën 1 kartë identiteti dhe 1 leje drejtimi për automjet, të dyshuara false, si dhe 1 elektroshok dhe disa fishekë arme gjahu.
Materialet procedurale iu referuan Prokurorisë së Beratit, për veprime të mëtejshme.
