TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri i Ekonomisë dhe Financave, Ervin Mete, prezantoi në Kuvend projektligjin për “skemat private të pensioneve”.
Ky projektligj sipas Metes adreson një sërë problematikash ndaj dhe janë bërë disa ndryshime, që nga hera e fundit e kalimit në Kuvend.
Ndër pikat më të rëndësishme, thotë ministri është rritja e transparencës, e cila parashikon detyrimin e shoqërive private që të ofrojnë akses për anëtaret të cilët duan të kontrollojnë asetet, llogaritë apo lëvizjet e tyre.
Një tjetër pikë e rëndësishme e cilam prezantohet si risi është ulja e komisionit vjetor të administrimit të fondit. Ministri i Ekonomisë deklaroi se në asnjë rast ky komision nuk mund të kalojë 2.5 përqind të vlerës së aktiveve neto të pensionit.
“Ligji adreson një sërë problematikash. Risitë në projektligj parashikon dy forma të fondeve të pensionit, atë me pjesëmarrje të hapur dhe të mbyllur.
Fondi me pjesëmarrje të hapur nuk parashikon kufizime në anëtarësim. Anëtarë mund të jetë çdo individ, i cili zgjedh të kontribuojë në fondin e krijuar nga shoqëria administruese ndërsa fondi me pjesëmarrje të mbyllur, mund të krijohet nga një ose disa punëdhënës, apo entitet, sindikatë, në cilësinë e sponsorit. Pjesëmarrja është e kufizuar vetëm për të punësuarit apo anëtarët e subjekteve të përmendura.
Rritja e transparencës dhe informacionit ndaj anëtarëve të fondit. Është parashikuar detyrimi i shoqërisë që t’ju mundësojë anëtarëve akse për të kontrolluar numrin çmimin e kuotave, vlerën e aseteve në llogarinë personale, shumat e pagesave të bëra si dhe kthimin nga investimi.
Të informojë anëtarët tre muaj para daljes në pension dhe opsionet e pagesës së pensioneve. Ulja e komisionit vjetor të administrimit të fondit. Nuk mund të kalojë ë asnjë rast 2.5 përqind të vlerës së aktiveve neto të pensionit nga 3 që parashikon ligji ekzistues.
Shoqëria administruese duhet të zbatojë rregullat, përmes së cilave synohet forcimi i qeverisjes së shoqërisë, përmes një sistemi më efektiv drejtimi.
Parashikohen politika lehtësimi fiskale. Rritje të kufirit të kontributit të anëtarit që përjashtohet nga tatimi, kufiri maksimal mujor është deri në nivelin e pagës minimale të miratuar në shkallë vendi”, tha Mete nga Foltorja e Kuvendit.
