TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mes tensioneve dhe zhurmuesve të opozitës, mazhoranca ka miratuar projektligjin për lojërat e fatit.
Ky projektligj kërkon shumicë të thjeshtë dhe me 72 vota pro dhe dy abstenim është miratuar, ndërsa deputetët e opozitës kanë bllokuar seancën.
Fillimisht kryetarja e Kuvendit, Lindita Nikolla lexoi amendamentet për ndryshim dhe më pas u hodh votimi në tërësi.
Edhe kjo seancë, ashtu si të tjerat ka zgjatur për gati 12 minuta mes kaosit. Deputetë të opozitës zbarkuan në sallën e seancave plenare, ku duke i rënë bilbilave, penguan zhvillimin normal të Kuvendit.
I pranishëm në këtë seanca ishte edhe kryetari i PD, Lulzim Basha, i cili qëndroi vetëm disa momente dhe më pas u largua.
Sot ishte parashikuar një interpelancë me kryeministrin Edi Rama, i cili ia kishte deleguar kompetencat ministres Spiropali, pasi vetë ndodhet në Bruksel. Por edhe kjo interpelancë nuk u zhvillua.
“Më vjen keq që u tërhoqët nga interpelanca me zonjën Spiropali. Ju njoftoj që kryeministri ndodhet në Bruksl dhe vjen në mesditë për takimin me Sekretarin e shtetit, zotin Blinken. Faleminderit”- tha Nikolla.
