TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Hetimi për vrasjen e dy shqiptarëve në Greqi një natë më parë, mund të hedhë dritë mbi ekzekutimin mafioz të 44-vjeçarit Edmond Papa, pak ditë më parë në Tiranë.
Media greke Newsbomb.gr shkruan se seria e vrasjeve ka mundësi të lidhet me prishjen e pazareve për trafikun e drogës ku dyshohet se ishin implikuar viktimat, Kreshnik Çerçizaj 41 vjeç nga Vlora dhe Armando Organja 44 vjeç nga Berati.
Papa, i cili ishte pronari i një kompleksi hotelier në Tiranë u vra me gjakftohtësi nga një person i maskuar në një lokal shumë pranë banesës së vëllait të tij. Lidhja që bëjnë autoritetet greke është zhdukja e papritur e një ngarkese prej 700 kg hashash për të cilën dyshohet se ishte përgjegjës biznesmeni i vrarë në Tiranë.
Pas sulmit të armatosur është përhapur frikë për një hakmarrje të mundshme mes bandave. Ekzekutori i dy shqiptarëve një natë më parë hapi zjarri duke qëlluar në dy objektivat e tij brenda 5 sekondash.
Dy viktimat rezultojnë persona me një aktivitet të njohur kriminal në fushën e narkotikëve, grabitjes dhe armëmbajtje pa leje.
