TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish kryeministri Sali Berisha ka zbardhur temat e diskutimit në takimin e mbajtur mesditën e kësaj të premte me kryetarin e Partisë së Lirisë, Ilir Meta.
I pyetur nëse PD do të dalë në zgjedhjet e 14 majit në një koalicion me PL, Berisha tha se ende nuk ka asgjë konkrete, pasi “të gjitha janë në diskutim”.
Ajo që theksoi Berisha, ishte se “Edi Rama e di që është mundur dy herë nga Sali Berisha, është mundur dhe kjo e treta e pret shumë shpejt”.
Pyetje: A do të keni koalicion me PL?
Sali Berisha: Diskutimi ishte bashkërendim i gjithë forcave për fitoren e 14 majit. Të gjitha janë në diskutim. Ishte diskutim i zgjeruar, për fitoren, ne, shqiptarët presin fitoren nga opozita dhe ne jemi të sigurtë.
Mos harro një gjë, Edi Rama e di që është mundur dy herë nga Sali Berisha, është mundur dhe kjo e treta e pret shumë shpejt.
E ka të qartë, ai bëri gjithçka në mënyrën më të pashembullt por dështoi në mënyrë të turpshme dhe do të ketë opozita do e mundë atë.
Kush janë partitë opozitare që po shkojnë drejt finalizimit të koaliciont?
Sali Berisha: Partitë në rrafshin politik do të jetë një spektër i gjerë koalicioni, në rrafshin elektoral janë duke u marrë specialistët e të drejtës zgjedhore me këtë çështje.
