TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata e Vlorës ka caktuar masën e sigurisë “arrest në burg” për Rinald Rakipaj, i arrestuar dy ditë më parë pasi akuzohet se ka kryer marrëdhënie seksuale me një 15-vjeçare.
Ndaj tij rëndon akuza ‘marrëdhënie seksuale ose homoseksuale me të mitur’ dhe ‘nxitje për përdorimin e drogës’.
Gjyqtari Bevil Beqiraj pranoi kërkesën e Prokurorisë së Vlorës duke e lënë 40-vjeçarin në burg.
Ngjarja u regjistrua me 22 Mars, ku Rakipaj dyshohet se edhe ka kryer marrëdhënie me një 15-vjeçare.
40-vjeçari dyshohet se bashkë me një person tjetër, për të cilin ka nisur hetimi, kanë nxitur 15-vjeçaren dhe dy vajza të tjera të mitura, 15 dhe 16-vjeç, të konsumojnë lëndë narkotike.
Dyshohet se fillimisht Rakipaj, së bashku me të miturën dhe dy shoqet e saj, kanë shkuar në një hotel, dhe së bashku me personin tjetër kanë nxitur vajzat të komsumojnë drogë.
Në dëshminë e dhënë para hetuesve, adoleshentet kanë pohuar që kanë pirë lëndë narkotike, teksa kanë mohuar që të kenë kryer marrëdhënie seksuale.
"Specialistët e Seksionit për Hetimin e Trafiqeve të DVP Vlorë ndaluan shtetasin Rinald Rakipaj, 40 vjeç, banues në Vlorë, për veprat penale “Marrëdhënia seksuale ose homoseksuale me të mitura” dhe “Nxitja për përdorimin e drogës”, pasi më datë 22.03.2025 dyshohet se ka kryer marrëdhënie seksuale me një 15-vjeçare.
Gjithashtu, shtetasi Rinald Rakipaj dyshohet se në bashkëpunim me shtetasin F. Q., 33 vjeç (për të cilin ka nisur procedimi penal për veprën penale “Nxitja për përdorimin e drogës”), ka nxitur 15-vjeçaren dhe dy shoqe të saj, 15 dhe 16 vjeçe, për të përdorur lëndë narkotike", thuhej në njoftimin e policisë.
