TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri i Drejtësisë, Ulsi Manja ka deklaruar se qeveria shqiptare do të mbështesë pa rezerva konsolidimin e një sistemi drejtësie që forcon besimin e qytetarëve dhe promovon llogaridhënien.
Në një aktivitet të organizuar për “Ditën e Drejtësisë”, Manja u shpreh se Reforma dita ditës po konsolidon vetveten dhe po rikthen besimin e qytetarëve, por theksoi se ka ende shumë sfida me të cilat përballen.
Ulsi Manja: “Reforma në Drejtësi dita ditës po konsolidon vetveten dhe po rikthen besimin e qytetarëve tek drejtësia.
Sa na takon si qeveri ne do të vazhdojmë të mbështesim pa rezerva konsolidimin e një sistemi drejtësie të qëndrueshëm që forcon besimin e qytetarëve dhe promovon llogaridhënien, integritetin në të gjitha nivelit.
Kemi institucione drejtësie më një arkitekturë moderne institucionesh dhe mekanizma shumëfish kontrolli e balance midis pushteteve shume herë më të përgjegjshëm e më llogaridhënës sesa 10 vite më parë.
Kemi ende sfida me të cilat përballemi çdo ditë për ti dhënë qytetarëve shërbim dinjitoz që i përgjigjet nevojave të tyre.
Adresimi i këtyre sfidave nëpërmjet një qasje të re dhe më efikase në menaxhimin e tyre është qëllimi i përbashkët i të gjithë përfaqësuesve të nderuar që janë të pranishëm këtu sot.
Janë këto sfida që na inkurajojnë të rrisim bashkëpunimin ndërinstitucional midis organeve të drejtësisë.
Busulla jonë si në miratimin e ligjeve ashtu edhe në zbatimin e tyre ka qenë dhe mbetet qytetarët, të drejtat e liritë e tyre, ndaj sistemi gjyqësor duhet të jetë i orientuar ndaj cilësisë së shërbimit të ofruar prej tyre për të dhënë drejtësi.”
