TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputetja e Parisë së Lirisë, Erisa Xhixho, përmes një postimi në rrjetet sociale, ka publikuar mesazhet e mësuesve të ciklit 9-vjeçar, të cilët iu kërkojnë prindërve që librat t’i blejnë vetë në librari.
Sipas Xhixhos, ky është skandal, pasi kryeministri bën propagandë me librat, pasi nuk ka tekste falas.
"Vetë mësueset, po i orientojnë ata t’u drejtohen librarive, pasi tekste falas nuk ka, ose në rastin më të mirë, janë të papërdorshme. Rasti konkret është shkolla “Fan Noli”, në Tiranë. Përtej propagandës qeveritare, mijëra prindër po detyrohen t’i blejnë librat e ciklit 9-vjeçar, pasi tekstet që ofron shkolla janë të papërdorshme", shkruan Xhixho.
REAGIMI I ERISA XHIXHOS
Libra falas SKANDAL/ Lexoni mesazhet e mësueseve të shkollës « Fan Noli » në Tiranë, drejtuar prindërve.
Tekstet falas, që në fakt nuk kanë qenë kurrë të tilla, por thjesht tekste në përdorim, që nuk i hyjnë në punë askujt.
* Vetë mësueset, po i orientojnë ata t’u drejtohen librarive, pasi tekste falas nuk ka, ose në rastin më të mirë, janë të papërdorshme. Rasti konkret është shkolla “Fan Noli”, në Tiranë.
Përtej propagandës qeveritare, mijëra prindër po detyrohen t’i blejnë librat e ciklit 9-vjeçar, pasi tekstet që ofron shkolla janë të papërdorshme.
* Edhe këtë vit, ndryshe nga moshatarët e tyre të gjithë sistemit parauniversitar në rajon dhe Europë, prindërit e nxënësve shqiptarë do të detyrohen të paguajnë, fatura që variojnë nga 30 mijë lekë, deri në 120 mijë lekë, në mos më shumë.
Një shpenzim shtesë në këtë kohë krize u shtohet familjeve shqiptare, ndërsa kryeministri dhe ministrja e Arsimit përsërisin në ekrane të njëjtën gënjeshtër të teksteve falas.
Mashtrimi për tekstet falas është një tjetër arsye për të protestuar të martën, më 13 shtator ora 18:00 tek Inceneratori i Tiranës.
Bashkohu edhe ti me ne për të denoncuar çdo abuzim.
Koha e llogaridhënies ka ardhur!
