TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministrja e Financave, Delina Ibrahimaj u shpreh se janë duke pritur vendimin e Gjykatës dhe më pas do të vendosin për shfuqizimin e Bordit të Transparencës për çmimet e karburanteve.
Pas mbledhjes së qeverisë, Ibrahimaj u pyet nga gazetarët për këtë çështje, duke theksuar se qeveria ka qenë e detyruar që të ndërhyjë.
Sipas saj, shifrat kanë treguar që ndërhyrja ka qenë efektive, pasi nuk ka lejuar tregtarët të rrisin fitimin.
“Në fakt Bordi i Transparencës për çmimet e karburanteve është duke u diskutuar në Gjykatën Kushtetuese, ka patur një seancë të parë, pritet një seancë e dytë dhe në bazë të vendimit të Gjykatës Kushtetuese ne do të veprojmë.
Megjithatë unë i qëndroj asaj që kam përsëritur gjatë vitit të kaluar që ndërhyrja e qeverisë në vendosjen e çmimeve të karburanteve ishte një ndërhyrje e detyruar nga kushtet në të cilat ndodheshim.
Qeveria asnjëherë nuk ka dashur të ndërhyje në forcat e tregut, por duke parë që kishte luhatje që nuk reflekton realisht rritjen e çmimeve të tregut dhe që të evitonim çdo abuzim nga tregtarët ne vendosëm të ndërhyjmë dhe shifrat tregojnë që ndërhyrja jonë ka qenë efektive”, u shpreh ministrja.
