TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë së Lirisë, Ilir Meta ka përshëndetur vendimin e Kosovës për të aplikuar për anëtarësimin në Bashkimin Europian.
Në një postim në Facebook, Meta shkruan se kjo është një ngjarje historike, bazuar në aspiratat, orientimin euro-atlantik dhe përkushtimin e vendosur të qytetarëve dhe institucioneve të Kosovës.
Meta uron Kosovën që të avancojë me sukses në procesin e integrimit europian, jo vetëm për qytetarët e Kosovës, por për të gjithë rajonin.
Postimi i Ilir Metës:
Aplikimi i Kosovës për anëtarësimin në Bashkimin Europian është një ngjarje historike bazuar në aspiratat, orientimin e qartë euro-atlantik dhe përkushtimin e vendosur të qytetarëve dhe të insitucioneve të Kosovës për të ardhmen europiane, në funksion të paqes, stabilitetit dhe sigurisë në rajon.
Duke e përgëzuar Kosovën për këtë hap shumë të rëndësishëm uroj që ky proces të avancojë me sukses në interes, jo vetëm të qytetarëve të Kosovës, por edhe të gjithë rajonit tonë!
