TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Indrit Vokshi, i ftuar në emisionin “Të Paekspozuarit” në MCN Tv, u shpreh se Shqipëria duhet ta kishte ndërtuar vetë xhaminë e Namazgjasë dhe të mos vinte presidenti turk Erdogan për ta përuruar. Ai tha se 30 milionë euro shpërdorohen për 2 javë te tenderat.
“Kjo xhami ka kushtuar mbi 30 milionë euro. Këto mund ta kishim ndërtuar vetë ne, sepse 30 milionë euro shpërdorohen brenda dy javëve me tendera.
Mund ta kishim bërë vetë dhe nuk do të kishim pse të vinte një president i huaj për ta përuruar.
Në kushtet e reja kur shtetet janë të pavarura ka ndryshuar edhe narrativa. Shqipëria duhet të kishte një politikë, për të mos rënë kaq poshtë dhe për ta ruajtur dinjitetin dhe ta ndërtonte vetë, sepse 30 milionë euro nuk janë shumë.
Erdogani dhe Turqia kanë të drejtë të projektojnë politikën e tyre në rajon dhe ka të drejtën e tij për ta bërë, por shtetet e Ballkanit duhet ta përcaktojnë veten në marrëdhëniet me Turqinë. Nuk është faji i Turqisë”-tha Vokshi.
