TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i PD-së Sali Berisha ka deklaruar mbrëmjen e sotme se ai ndodhet në arrest shtëpie pa asnjë akuzë konkrete të ngritur ndaj tij.
Gjatë fjalës së tij në tubimin e përditshëm qytetar, Berisha deklaroi ndër të tjera se masa e arrestit ndaj tij u dha vetëm se ai denonconte aferat e qeverisë. Sipas Berishës, masa e arrestit është vendosur me urdhër të kryeministrit Rama.
Pjesë nga fjala e Berishës:
Nuk ka rëndësi cili ambasador e mbron Edi Ramën. Nuk ka rëndësi cili ndërkombëtar e mbështet narkoshtetin. Funksionarët shkojnë e vijnë. Por media si Rai 3, media si Bild, janë zëri i Europës për dekada e dekada, dhe do të vazhdojnë të jenë për dekada të tjera.
Për hir të së vërtetës, Sali Berisha e kishte paralajmëruar krijimin e narkoshtetit 8 vite më parë! 10 vite me parë denoncuam të parët narkoflotën e Edi Ramës, kanabizimin e Shqipërisë, dhe 8 vite më parë denoncuam dhe publikuam para shqiptarëve nomenklaturën e narkoshtetit të parë dhe të vetëm në Europë me në krye Edi Ramën.
Opozita e vërtetë i kishte denoncuar që të gjitha vite më parë. Inceneratorët, kanabizimin, 5D-në dhe çdo monstruozitet tjetër të Edi Ramës dhe Rilindjes.
Për t’i dalë zot vendit ne qëndruam zëri i pamposhtur i tij. Natyrisht paguam dhe çmimin, prandaj Sali Berisha u shpall non-grata, prandaj është sot i burgosur politik pa asnjë akuzë.
Por të dashur qytetarë dhe qytetare, pas Zotit është dheu yt dhe meriton çdo sakrifice dhe duhet t’i lutesh Zotit të pranojë sakrificën tende.
Në këtë qëndrim të pamposhtur qëndron arsyeja e luftës së egër primitive kundër opozitës shqiptare.
Prandaj u vodh vula e partisë kryesore opozitare. Prandaj kryetari i saj u godit me grusht që të mos mbante fjalën e tij përpara liderëve evropianë. Prandaj fushata zgjedhore e vitit 2023 nisi me tritol ndaj kreut të PD së Vaut të Dejës dhe u mbyll me arrestimin politik të kandidatit të Himarës.
Prandaj nuk u lejua emri i Sali Berishës në fletën e votimit. Prandaj lideri i opozitës u arrestua pa asnjë provë fakt dhe akuzë.
Dhe prandaj avokati i liderit të opozitës me porosi të Edi Ramës i bëhet atentat para kopshtit të fëmijës, në mes të ditës.
