TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në përfundim të mbledhjes së grupit parlamentar të PD-së, deputeti Enkelejd Alibeaj, i cili sillet sot si udhëheqës i opozitës, tha se është i hapur për të bashkëpunuar me PS-në për zgjedhjen e Presidentit të ri, por me kushtin që t’i përmbahen dokumentit që ka dorëzuar PD të cilit, Alibeaj thotë se socialistët janë tërhequr.
“Vlera e këtij dokumenti qëndron deri në momentin e fundit ligjor, deri në 12 të natës nëse ndryshojnë mendje jemi gati të mblidhemi”, theksoi Alibeaj.
Pyetje: A do të propozojë PD një emër për Presidentin për raundin e tretë?
Enkelejd Alibeaj: “Ne i qëndruam të gjitha detyrimeve sipas dokumentit. Pala tjetër u tërhoq. Dokumenti është i thjeshtë nëse tërhiqeni dakordësia bie.
Vlera e këtij dokumenti qëndron deri në momentin e fundit ligjor, deri në 12 të natës nëse ndryshojnë mendje jemi gati të mblidhemi
Presidenti nesër e ka të nevojshme të ketë legjitimitet, mbështetjen e gjithë palëve.
Ndryshe do të jetë president gjysmak, i gjymtuar, nuk do të mundet dot t’i bëjë ballë rrebesheve politike që do të vijnë. Tërheqja është bërë në mënyrë të paarsyeshme nga ana e PS, kjo është një gjë që të paktën në sytë e shqiptarëve ne e bëmë detyrën"tha Alibeaj.
Alibeaj gjithashtu deklaroi se do të vendosen anëtarët e komisioneve për reformën zgjedhore dhe territoriale.
